Saturday, April 28, 2007

ಸಡಗರ

ಬಳೆಗಳಿಗೆ ಸಡಗರ
ಅವಳ ಕೈ ಹಿಡಿದಿರುವನೆಂದು
ಓಲೆಗಳಿಗೆ ಸಡಗರ
ಅವಳ ಕಿವಿ ಕಚ್ಚುವೆನೆಂದು
ಕುಂಕುಮಕ್ಕೆ ಸಡಗರ
ಅವಳ ಹಣೆ ಮುತ್ತಿಡುವೆನೆಂದು
ಮಲ್ಲಿಗೆಗೆ ಸಡಗರ
ಅವಳ ಮುಡಿಯಲಿ ಬೆರಳಾಡಿಸುವೆನೆಂದು
ಕನ್ನಡಿಗೆ ಸಡಗರ
ಅವಳ ಸೌಂದರ್ಯ ನೋಡುವೆನೆಂದು

ಸರಕ್ಕೆ ಸಡಗರ
ಎದೆ ಹತ್ತಿರ ಇರುವೆನೆಂದು
ವೇಣಿಗೆ ಸಡಗರ
ಅವಳ ಬೆನ್ನು ಸವರುವೆನೆಂದು
ಸೀರೆಗೆ ಸಡಗರ
ಅವಳ ನಡು ಬಳಸುವೆನೆಂದು
ದಿಂಬಿಗೆ ಸಡಗರ
ಅವಳ ಕೆನ್ನೆ ತಟ್ಟುವೆನೆಂದು
ಹೊದಿಕೆಗೆ ಸಡಗರ
ಅವಳ ಆಲಂಗಿಸಿ ಮಲಗುವೆನೆಂದು

ಕಾಲುಗಳಿಗೆ ಸಡಗರ
ಅವಳ ಗೆಜ್ಜೆನಾದ ಮಾಡುವೆನೆಂದು
ಕಂಠಕ್ಕೆ ಸಡಗರ
ಅವಳ ಮುದ್ದುಮಾತು ನುಡಿವೆನೆಂದು
ರೆಪ್ಪೆಗಳಿಗೆ ಸಡಗರ
ಅವಳ ಕಣ್ಣೋಟ ಬಚ್ಚಿಟ್ಟುಕೊಳ್ಳುವೆನೆಂದು
ತುಟಿಗಳಿಗೆ ಸಡಗರ
ಅವಳ ಜೇನು ತನ್ನಲ್ಲಿ ಇಹುದೆಂದು
ಹೃದಯಕ್ಕೆ ಸಡಗರ
ಅವಳ ಎದೆಬಡಿತ ತನ್ನಿಂದೆಂದು

ಅವಕ್ಕೆ ಗೊತ್ತಿಲ್ಲವೇ ನಾ
ಅವಕ್ಕಿಂತ ಹೆಚ್ಚು ಸಡಗರ ಪಡುವವನೆಂದು
ಅವಕ್ಕೆ ಗೊತ್ತಿಲ್ಲವೇ ನಾ
ಅವು ಸಡಗರ ಪಡುವ ಎಲ್ಲವನ್ನು ಮಾಡುವವನೆಂದು
ಅವಕ್ಕೆ ಗೊತ್ತಿಲ್ಲವೇ ನಾ
ಅವಳ ಒಲವಿನ ನಲ್ಲನೆಂದು

32 comments:

VENU VINOD said...

ಮದುವೆಗೆ ಮುಂಚೆ ರಾಯರು ಸಕತ್ ಯೋಜನೆಗಳನ್ನೆಲ್ಲ ಹಾಕಿ ಇಲ್ಲಿ ಭಟ್ಟಿ ಇಳಿಸಿರೋ ಹಾಗಿದೆ.
ಏನ್ಕತೆ ಸ್ವಾಮಿ?

Shiv said...

ಎನು ಯೋಜನೆ ಹಾಕಿಕೊಂಡರೆ ಎನು ಬಂತು ವೇಣು ..
ಯೋಜನೆಗಳ ನಡುವಲ್ಲಿ ಈ ಸಾಗರಗಳು ಇವೆ :)

suptadeepti said...

"ಯೋಜನೆಗಳ ನಡುವಲ್ಲಿ 'ಯೋಜನಗಳ' ಸಾಗರವಿದೆ"- ನಿಜ. ಯೋಚನೆ-ಯೋಜನೆ-ಕಾರ್ಯ... ಇವು ಒಂದನ್ನೊಂದು ಹೊಂದಿಕೊಂಡು ಬರುವವು. ಮೊದಲ ಹಂತ ದಾಟಿದ್ದೀರಿ, ಎರಡನೆ ಹಂತದಲ್ಲಿದ್ದೀರಿ. ಮೂರನೇ ಹಂತ ಇನ್ನೇನು ಬಂದೇ ಬಿಡುತ್ತದೆ.... ಶುಭವಾಗಲಿ. ಎಲ್ಲ ಸಡಗರಗಳನ್ನೂ ಮೀರಿದ ಸಡಗರ ನಿಮ್ಮದಾಗಲಿ.

Shiv said...

ಸುಪ್ತದೀಪ್ತಿಯವರೇ,
ಹಾಗಂತೀರಾ..ಹಾಗಾದರೆ ಈಗ ನಾನು ಸ್ಟೇಜ್ ೨ ನಲ್ಲಿ
ನಿಮ್ಮ ಶುಭಾಂಕ್ಷೆಗೆ ಧನ್ಯವಾದಗಳು !

ಮನಸ್ವಿನಿ said...

ಪಾತರಗಿತ್ತಿ ಅಂತ ಬ್ಲಾಗ್ ಹೆಸರು ಇಟ್ಟಿಕೊಂಡಿದ್ದಕ್ಕೂ ಸಾರ್ಥಕ..ಒಳ್ಳೆದಾಗಲಿ :)


ಮದ್ವೆಗೆ ನಮ್ಮನ್ನೆಲ್ಲ ಕರಿಬೇಕ್ರಿ ಶಿವ್...ಭರ್ಜರಿ ಊಟ ಸಿಗುತ್ತೆ ಅಂತ ಕಾಯ್ತ ಇದ್ದೇನೆ

Shiv said...

ಮನಸ್ವಿನಿಯವರೇ,

ಮದ್ವೆಗೆ ನಿಮ್ಮನ್ನು ಕರೆಯಲಿಲ್ಲ ಅಂದರೆ ಹೇಗೆ..
ಖಂಡಿತ ಖಂಡಿತ...
ಭರ್ಜರಿ ಊಟ ಮಾಡೋಕೆ ನೀವು ಭಾರತಕ್ಕೆ ಬರಬೇಕಾಗುತ್ತೆ..ರೆಡಿ ಇದೀರಾ

suptadeepti said...

ಯಾವಾಗ ಮದುವೆ ಅಂತ ಹೇಳಿ, ಟಿಕೆಟ್ ಬುಕ್ ಮಾಡಬೇಕಲ್ವ?

ರಾಜೇಶ್ ನಾಯ್ಕ said...

ಶಿವ್,

ಸಡಗರದ ಸೆರಗಿನ ಹಿಂದಿರುವ 'ಪ್ರೀತಿ'ಯನ್ನು ಮೆಚ್ಚಬೇಕು.

ಸುಶ್ರುತ ದೊಡ್ಡೇರಿ said...

>> ತುಟಿಗಳಿಗೆ ಸಡಗರ
ಅವಳ ಜೇನು ತನ್ನಲ್ಲಿ ಇಹುದೆಂದು

ಶಿವೂ, ನಿಜಕ್ಕೂ ಸಡಗರ.

ಗ್ರೇಟು ಕಣಮ್ಮಾ.. 'ನಮ್ ಶಿವು ಮದ್ವೆಗೆ ರಜೆ ಬೇಕು' ಅಂತ ಈಗಾಗ್ಲೇ ನಮ್ ಬಾಸಿಗೆ ಹೇಳಿಟ್ಟಿದೀನಿ. ಬೇಗ ಇನ್ವಿಟೇಶನ್ ಕಳಿಸಿ...

mouna said...

ee kavana nimma maduve hattira barthide antha thiListhade!! neevu kathuradinda kaaythiddiri houdu, aadre nammanu aa shubha muhurthakke aahvanisuvudu yavaaga?

namagu ee roga vannu hiDisiddiri, iddanu heLbeke? ;)

Shiv said...

ಸುಪ್ತದೀಪ್ತಿ,
ಇಲ್ಲಿಂದಲೇ ಒಂದು ಎರ್-ಬಸ್ ಮಾಡೋಣಾ ಅಂತಾ..ನಿಮಗೆ ಓಕೆನಾ :)

ರಾಜೇಶ್,
ಧನ್ಯವಾದಗಳು !!

ಸುಶ್,
ತುಂಬಾ ಒಳ್ಳೆ ಕೆಲಸ ಮಾಡಿದೀಯಾ..ಮದುವೆಯಲ್ಲಿ ಸ್ಪಲ್ಪ ಓಡಾಡಿ ಕೆಲಸ ಮಾಡು..ಒಳ್ಳೆ ಹುಡುಗಿ ಸಿಕ್ತಾಳೆ :)

ಮೌನ,
ಆಹ್ವಾನ ಅತೀ ಶೀಘ್ರದಲ್ಲಿ ನಿಮ್ಮ ಮೇಲ್ ಬಾಕ್ಸ್ ಗೆ ಬರಲಿದೆ !
ನಿಮಗೂ ರೋಗ ಹಿಡಿಯಿತೇ..ಅಯ್ಯೋ ನನಗೆ ಗೊತ್ತಿರಲಿಲ್ಲ ಇದು ಸಂಕ್ರಾಮಿಕ ಅಂತಾ :)

Mallikarjuna said...

Sadagara chennagide. All the best for Maduve(Khedda!!)

Shiv said...

ಮಲ್ಲಿಕಾರ್ಜುನ್,

ಪಾತರಗಿತ್ತಿಗೆ ಆತ್ಮೀಯ ಸ್ವಾಗತ!
ಹಿಹೀ..ನಿಮ್ಮ ಎಚ್ಚರಿಕೆಯುಕ್ತ ಹಾರೈಕೆಗೆ ವಂದನೆಗಳು!!

suptadeepti said...

"ಇಲ್ಲಿಂದಲೇ ಒಂದು ಎರ್-ಬಸ್ ಮಾಡೋಣಾ ಅಂತಾ..ನಿಮಗೆ ಓಕೆನಾ :)"-- ಏನಪ್ಪಾ? ಗಾಳಿಗುದುರೆ ಏರಿಸ್ತೀರ? ಸರಿ ನಡೀರಿ, ಹೈ... ಹೈ...!

ಹಾಲಸ್ವಾಮಿ ಆರ್.ಎಸ್. said...

ಅವಳ ಬಗ್ಗೆ ಪದ್ಯ ಬರೆಯಲು....ಶಿವ್ ನಿಮಗೂ ಸಡಗರ...ಅಲ್ವೇ....

Shiv said...

ಸುಪ್ತದೀಪ್ತಿ,
ಗಾಳಿಗುದುರೆ !
ಯಾವ ಕಲರ್ ಕುದುರೆ ಅಂತಾ ಹೇಳಬೇಕು :))


ಹಾಲಸ್ವಾಮಿಯವರೇ,
ಪಾತರಗಿತ್ತಿಗೆ ಸ್ವಾಗತ!
ಭೇಟಿ ನೀಡಿದ್ದಕ್ಕೆ ವಂದನೆಗಳು

sunaath said...

ಇಂತಹ ಒಲವಿನ ನಲ್ಲನಿಗಾಗಿ ಕಾಯುವದೇ ನಲ್ಲೆಗೆ ಸಡಗರ

sunaath said...

ಶಿವೂ, ಕೊನೆಯ ಸಾಲು ಬರೆಯುವದನ್ನೆ ಮರೆತು ಬಿಟ್ಟಿದ್ದೀರಲ್ಲ:
ಅವಳ ಪಾದತಾಡನದ ಸಡಗರ ಅವಳ ಪಾದರಕ್ಷೆಗಳಿಗೆ,............

suptadeepti said...

--"ಯಾವ ಕಲರ್ ಕುದುರೆ ಅಂತಾ ಹೇಳಬೇಕು :))"--

ಇನ್ಯಾವ ಕಲರ್ ಇರತ್ತೆ ಗಾಳಿಗುದುರೆಗೆ, "ಒಲವಿನ ಬಣ್ಣ" ಬಿಟ್ಟು?

Shiv said...

ಸುನಾಥ್,

ಪಾತರಗಿತ್ತಿಗೆ ಆತ್ಮೀಯ ಸ್ವಾಗತ !
ಹೌದು ಕೆಲವೊಂದು ಇಲ್ಲಿ ಹೇಳಿಲ್ಲ :)

ಸುಪ್ತದೀಪ್ತಿ,
ಬಣ್ಣ ನನ್ನ ಒಲವಿನ ಬಣ್ಣ :)

Rekha said...

Hi Shiv, Visting after a looong time. Very beautiful peom
-Rekha

December Stud said...

ಈಗ ತಾನೆ ಭಾರತದಿಂದ ಬಂದೆ.
ಏನಯ್ಯ ಇದು ಮತ್ತೆ ಏರ್ ಬಸ್ ನಲ್ಲಿ ಮದುವೆಗೆ ಕರೆದುಕೊಂಡು ಹೋಗ್ತೀನಿ ಅಂತಿದ್ಯಾ.
ಒಂದು ಚೂರು ಮುಂಚೇನೆ ಹೇಳಿದ್ರೆ, ಅಲ್ಲೇ ಇರ್ತಿದ್ದೆ :)

ಕವನದ ಭಾವ ಬಹಳ ಸುಂದರವಾಗಿದೆ, ಎಂದಿನಂತೆ.

Shiv said...

ರೇಖಾ,
ಪಾತರಗಿತ್ತಿಗೆ ಮರಳಿ ಸ್ವಾಗತ !
ಧನ್ಯವಾದಗಳು

DS,
ಸ್ವಾಗತ !
ಎನು ಪರವಾಗಿಲ್ಲ..ಇನ್ನೊಂದು ಸರ್ತಿ ನನ್ನ ಜೊತೆ ಬನ್ನಿ...ಹೋಗೋಣಾ :)

ಸಿಂಧು Sindhu said...

ಶಿವ್,

ಕವಿತೆ ಚಂದವಿದೆ.. ಓದಿ ಸಡಗರ ನಮಗೆ..
ಅವಳಿಗಿನ್ನೆಷ್ಟೋ..!

ಅಥವಾ - ನಿನ್ನೆಡೆಗೆ ಬರುವಾಗ ಸಿಂಗರದ ಸಿರಿಯೇಕೆ..
ಸಡಗರದ ಮಾತುಗಳ ಬಿಂಕವೇಕೆ- ಅಂತ ಓಡಿಬಂದು ನಿಮ್ಮ ಒಲವಿನ ಹಾಡಿಗೆ ಮೋಹನ ರಾಗ ಸಂಯೋಜಿಸುತ್ತಾಳೇನೋ..!

ಆಹ್ಲಾದಕರ ಕವಿತೆ.

Shiv said...

ಸಿಂಧು ಅವರೇ,
ನಿಮ್ಮ ಮೆಚ್ಚುಗೆಗೆ ವಂದನೆಗಳು.
ಸಡಗರ ತುಂಬಾ ಪಟ್ಟಳು..ಮೋಹನ ರಾಗ ಸಂಯೋಜನೆ ಕಾಯ್ತಾ ಇದೀನಿ

Raghu said...

Great romantic literatures classification nalli nimma blog na kooDa serisabeku endhu nanna vote! :)

Shiv said...

ರಘು,

ನಿಮ್ಮ ಮತಕ್ಕೆ ವಂದನೆಗಳು !
ಗ್ರೇಟ್ ಬಗ್ಗೆ ಗೊತ್ತಿಲ್ಲಾ..ಆದರೆ ರೊಮ್ಯಾಟಿಂಕ್ ಅಂತಾ ಒಪ್ಪಕೊಂಡಿದ್ದಾಳೆ :)

Jagali Bhagavata said...

ಪಾತರಗಿತ್ತಿ ತುಂಬ ದಿನದಿಂದ ಮೌನವಾಗಿದೆಯಲ್ಲ. ಏನಾಯ್ತು?

Shiv said...

ಜ.ಭಾಗವತರೇ.

ತುಂಬಾ ದಿನ ಆಗಿತ್ತು ತಮ್ಮ ದರ್ಶನ ಆಗಿ..
ಪಾತರಗಿತ್ತಿ ಮೌನ ಮುರಿದು ಹೊಸ ಬಣ್ಣ ಚೆಲ್ಲಿದೆ

Enigma said...

nimma kavangannau odoke namge sadagara :)

Shiv said...

ಎನಿಗ್ಮಾ,

ಧನ್ಯವಾದಗಳು ನನ್ನ ಸಡಗರವನ್ನು ಓದಿ ಸಡಗರ ಪಟ್ಟಿದ್ದಕ್ಕೆ !

Anonymous said...

shivu,

thumba shrungaramayavagide nimma kavana. Odi thumba kushi aaythu.

heege bareetha iri.

wow!

Anant