Sunday, December 03, 2006

ನಿರೀಕ್ಷೆ

ನಿನ್ನ ಮೋಹಕ ನಗೆಯಲಿ
ಕಾಣೆಯಾಯಿತು ದಣಿವು
ನಿನ್ನ ಧ್ವನಿಯ ನಾದದಲಿ
ನನ್ನದಲ್ಲವಾಯಿತು ಮನವು

ನಿನ್ನ ನೆನಪುಗಳ ಅಂಗಳದಲ್ಲಿ
ಕಳೆದುಹೋಯಿತು ನನ್ನ ಮನ
ನಿನ್ನ ಪ್ರೀತಿಯ ಸಾಗರದಲ್ಲಿ
ಮುಳುಗಿಹೋಯಿತು ನನ್ನ ಮನ

ಪ್ರತಿ ಕ್ಷಣವೂ ಧ್ಯಾನ ನಿನ್ನದೇ
ಪ್ರತಿ ಬಡಿತದಲ್ಲೂ ಹೆಸರು ನಿನ್ನದೇ
ಪ್ರತಿ ಇರುಳಲ್ಲೂ ಕನಸು ನಿನ್ನದೇ
ಪ್ರತಿ ದಿನವೂ ನನ್ನ ಜೀವ ನಿನ್ನದೇ

ಅನುಭವಿಸುತ್ತಿದ್ದೇನೆ ಒಂದೊಂದು ಕ್ಷಣವು
ಭಾರ ಹೃದಯದಿಂದ ಅಗಲುವಿಕೆಯ ನೋವು
ನನ್ನಿಂದ ಅಷ್ಟು ದೂರ ಇದ್ದರೂ ನೀನು
ಅದು ಹೇಗೆ ಮನವನ್ನು ಕಾಡುತ್ತೀಯಾ ನೀನು?

ಜೀವಿಸುತ್ತಿದೇನೆ ಆ ಕ್ಷಣಕ್ಕಾಗಿ
ಪ್ರೀತಿಯ ಹಕ್ಕಿಗಳೆರಡು ಸ್ವಚ್ಚಂದ ಆಗಸದಲಿ
ಒಟ್ಟಿಗೆ ಹಾರುವ ಆ ಕ್ಷಣಕ್ಕಾಗಿ
ಜೀವಿಸುತ್ತಿದೇನೆ ಆ ದಿನಕ್ಕಾಗಿ
ಕಾದು ಒಣಗಿದ ಭೂಮಿಯನು
ಮೊದಲು ಮಳೆ ಹನಿ ಚುಂಬಿಸುವ ದಿನಕ್ಕಾಗಿ

16 comments:

Anveshi said...

ಶಿವ್

ಅವರ ಸುಮಧುರ ನೆನಪಲಿ
ನಿಮ್ಮದಲ್ಲವಾಯಿತು ಸಮಯ
ವಿರಸ ಕಳೆದು ಸರಸ ಮೂಡಲಿ
ಶೀಘ್ರವಾಗಲಿ ಜೀವನ ರಸಮಯ

ನಿಮ್ಮ ರಸಮಯ ಕ್ಷಣದಲ್ಲಿ ನಮಗೂ ಪುಷ್ಕಳ ಭೋಜನ ಹಾಕಿಸಿ ರಸಂಮಯವಾಗಿಸಿ

Shiv said...

ಅಸತ್ಯಿಗಳೇ,

ನಿಮ್ಮ ಸಹೃದಯದ ಹಾರೈಕೆಗೆ ವಂದನೆಗಳು
ಪುಷ್ಕಳ ಭೋಜನಕ್ಕೆ ಈಗಲೇ ನಿಮಗೆ ಅಮಂತ್ರಣಗಳು!

bhadra said...

ಬಹಳ ಸೊಗಸಾದ ಕವನ. ಕೊನೆಯ ಈ ಸಾಲುಗಳು ಬಹಳ ಚೆನ್ನಾಗಿವೆ.

ಜೀವಿಸುತ್ತಿದೇನೆ ಆ ಕ್ಷಣಕ್ಕಾಗಿ
ಪ್ರೀತಿಯ ಹಕ್ಕಿಗಳೆರಡು ಸ್ವಚ್ಚಂದ ಆಗಸದಲಿ
ಒಟ್ಟಿಗೆ ಹಾರುವ ಆ ಕ್ಷಣಕ್ಕಾಗಿ
ಜೀವಿಸುತ್ತಿದೇನೆ ಆ ದಿನಕ್ಕಾಗಿ
ಕಾದು ಒಣಗಿದ ಭೂಮಿಯನು
ಮೊದಲು ಮಳೆ ಹನಿ ಚುಂಬಿಸುವ ದಿನಕ್ಕಾಗ

Shiv said...

ಧನ್ಯವಾದಗಳು ತವಿಶ್ರೀಗಳೇ,

ಅದು ಯಾಕೋ ಗೊತ್ತಿಲ್ಲಾ..ಎಲ್ಲರಿಗೂ ಈ ಕೊನೆ ಸಾಲುಗಳು ತುಂಬಾ ಇಷ್ಟವಾಗಿವೆ.ನಮ್ಮಾಕೆಗೂ ಸಹ ಈ ಸಾಲುಗಳು ತುಂಬಾ ಇಷ್ಟ.

bhoomika said...

e kavanadalliro sahitya nimma bhavanegalannu yellashtu pratibimbistilla anta gottu namge.Nimma avara premankana bari maatinalli/sahityadalli varnisalu sadhyave ? :)

Shiv said...

ರೀ ವಸುಧ,
ಮಾತಿನಲ್ಲಿ ಸಾಹಿತ್ಯದಲ್ಲಿ ಆಗೋಲ್ಲ ಅಂದರೆ ಬೇರೆ ಯಾವ ವಿಧಾನಗಳಿವೆ? ನೀವು ಅನುಭವಸ್ಥರು ದಾರಿ ತೋರಿಸಬೇಕು ಇಂತಾ ವಿಷಯಗಳಲ್ಲಿ !

Mahantesh said...

namskar hosa kavigaLige,
kavananu shuru mADibitra ? olle kelsa !!!!!! matte hegide jeevan?
Olle kavan saar!!!!

Shiv said...

ಮಹಾಂತೇಶ್,

ಧನ್ಯವಾದಗಳು !
ಹೂಂ..ಕವನ ಬರೆಸಿಬಿಡ್ತು ಈ ಪ್ರೀತಿ..

ಜೀವನ ತುಂಬಾ ಸೊಗಸಾಗಿದೆ..

Phantom said...

ವಿರಹಸುಖಿ ಆಗುವ ಮುನ್ನ,
ಸನಿಹ ಸುಖ ಸಿಗಲಿ!

ಎಂಬ ಹಾರೈಕೆಯೊಂದಿಗೆ

ಇಂತಿ
ಭೂತ

Unknown said...

ಶಿವ್,
ಕವನ ಚೆನ್ನಾಗಿದೆ...
ಆದಷ್ಟೂ ಬೇಗ ನಿಮ್ಮ "ವಿರಹಾ... ನೂರು ನೂರು ತರಹ" ಮರೆಯಾಗಿ, ನಗು ನಗುತಾ ನಲಿ ನಲಿಯಿರಿ.

~ಹರ್ಷ

Anonymous said...

Shiva,

Very sweet !!! Emotions are beautifully portrayed. The last line is the topping on the cake.

Since this is my first comment on your blog, I will resist myself from commenting on a few more things in the poem :)

Nice read....

Shiv said...

ಭೂತೋತ್ತಮ!

ವಿರಹಸುಖಿ..
ವಿರಹದಲ್ಲಿ ಸುಖನಾ..ಹೇಗೆ ಅಂತಾ ??

ಶ್ರೀಹರ್ಷ,
ಧನ್ಯವಾದಗಳು..
ಓಡುವ ನದಿ ಸಾಗರವ ಸೇರಲೇ ಬೇಕಂತೆ..

ಡಿಸೆಂಬರ್ ಸ್ಟಡ್,
ಪಾತರಗಿತ್ತಿಗೆ ಆತ್ಮೀಯ ಸ್ವಾಗತ..
ನೀವು ಕೊನೆ ಸಾಲು ಇಷ್ಟಪಡ್ತೀರಾ?

Enigma said...

preethi othara kachaguli :) pretehi enu enu madisuthe nodi!!. yene adaru preethi ondu madhura anubhava

Shiv said...

ಎನಿಗ್ಮಾ ,

ನಿಜವಾಗಲೂ ಪ್ರೀತಿ ಒಂದು ಕಚಗುಳಿನೇ !
ಮಧುರ ಅನುಭವ ! ತಮ್ಮ ಸ್ವಾನುಭವ ಇದ್ದಾಗೆ ಇದೆ :)

mouna said...

shiv,
bahaLA dinagaLLadamele naa comment maDtiddinni, am very sorry. the last line stole the show. a touching poem, can i say? :)

Shiv said...

ಮೌನ,

ಪರವಾಗಿಲ್ಲ ಬಿಡಿ..ನೀವು ಪರೀಕ್ಷೆಯಲ್ಲಿ ಬ್ಯುಸಿ ಇದ್ದೀರಿ ಅನಿಸುತ್ತೆ..

ಕೊನೆಯ ಸಾಲು :-)